****හනුමා වන්නම****

 ****හනුමා වන්නම**** 

තාලය - සුළු තනි තිත ( 2+2)

බෙර පදය - දොමි කිත කිත දොමි

තානම -
       
        තානම් දනත් තම් දනත් තනම් දන
        තානම් දනත් තනෙ නා තෙයි
        තානම් දනත් තම් දනත් තනම් දන
        තානම් දනත් තනෙ නා

කවිය -
       
        ගිරෙන් ගිරට පැන ලැගුම් සොයා පුබු
        දමින් අරුණ කළ මා - ගොර
        දෙමින් නැවත වට පිටින් බලති නෙක
        උසුළු විසුළු පුදු මා
       
        එයින් නැවත පලතුරින් තුරට පැන
        මලින් පලද දළු මා - අත
        දෙමින් රැගෙන කට කොනින් බුදිති
        වට පිටින් බියති බැලු මා
              
        දුටින් අයෙක් සට පටින් පැනුම් රැලි
        පොටින් නෙරා සෙව් මා - භය
        දුටින් එවිට අතු පතින් වසා මුව
        ඉතින් නැතැයි පෙනු මා

        මතින් උඩගු සිත් ගතින් වැඩිව පෙර
        පැතුම් විලස දැරු මා - නැණ
        යෙනින් මෙලෙස ඉසිමතින් යෙදුව
        පෙර මෙවන් වරුණ හනු මා

කස්තිරම -
         
        රුංතක ජිංතක තරිකිට කුංදත් ///
        තා ගජින්තක තරිකිට කුංදත් //
        රුංතක ජිං ජිං //
        රුංතක ජිංතක තරිකිට කුද කුද
        තා ගජින්තක තරිකිට කුංදත්
        රුංතක ජිංතක තරිකිට කුංදත් තා

සීරුමාරුව -
       
        තකුතක ජිජි කුද ගජිත ගජිත කුද
        ගජිගත දොද් දොං තා දොද් දොං තා
        කුජිත්ත ගත දොමිකිට
        තරිකිට කුංදත් තා

අඩව්ව -
       
        තාම් දොමිති ගත දොමිකිට
        කඩතක තරිකිට කිත්තක දොමිති ගත
        කිත්තත් කුද කුද තා කුජිත්ත ගත
        දොමිකිට තරිකිට කුංදත් තා